2017年04月18日
回講到, 沖繩青洞呢面冬天會有印度鯖魚(Gurukuma),
有更多的是水母(Jellyfish)!
佢地睇起上黎的確好靚好得意, 但係如果你係浮潛,
見到佢係你隔離游過就要小心!
因為佢地係包著狼皮既豬!
小心被佢地“炸”到你!
每個人體質唔同可能會有唔同反應,
例如我就只係會有小小俾針吉既感覺, 上水就冇事,
但我地老闆被炸到就會又紅又腫痕足一日!
所以都係小心為妙, 離遠望就好喇!
但點解話佢地暗底係豬呢?!
因為佢地身體構造其實係無心無腦!
只有胃腔機制!
成日見到佢地透明既身體入面閃下閃下,
就係有好多放射型既細管運送緊營養!
而青洞附近水域最常見既係箱型水母或雨傘水母!
另外話佢係豬係因為佢地其實唔係咁叻游水嫁!
佢地主要靠水流游動,
所以如果浮潛時見到好驚佢地,
可以離遠小小撥水撥開佢地, 佢地就會游開嫁喇!
如果真係好驚見到成群結隊既水母,
可以避開上午時段浮潛, 因為佢地除左食浮游生物,
仲會光合作用曬太陽浮潛!
所以上午時段會比下午時段多水母出沒!
但如果係潛水就唔驚佢地喇!
